سناك صحي .. فواكه

اعداد السناك الصحي يساعدك على خساره الوزن كما ان الفواكه غنيه بالفيتامينات و المعادن اللي تجمل البشره و الشعر و تجعل جسمك اكثر صحه و مقاومه للامراض ..
الفواكه المستخدمه :  خوخ فراولة موز افندي غوج تفاح بلاك بيري بلو بيري رايز بيري كيوي 

Japanese cherry blossom , زهره الكرز اليابانية من بودي شوب

اليوم جبت لكم مجموعه من ذا بودي شوب ( Japanese cherry blossom ) زهره الكرز اليابانية 
مكونه من شاور جل و عطر و معطر جسم و لوشن و زيت عطري 
ريحه المجموعه نظافة و حلوه و رايقه ماهي قويه الا اذا بتستخدمي كل المجموعه بتكون قويه و ثابته 
الشاور جل مرة حبيته و هذي العلبه الثانيه ليي 
اللوشن خفيف على البشره و بسرعه تمتصه بس ما يبقى في الجلد و لا يعطي ترطيب عميق 
العطر ثباته ما يدوم واجد ( على حسب نوع الملابس اللي بترشيه عليها ) 
معطر الجسم حلو و حبيته واجد 
الزيت العطري احب استخدمه في جسمي كم نقطه على مناطق النبض او يستخدم للمساج ( افضل ما نكثر منه لان ريحته قويه ) 

اماكن الشراء فروع  The Body Shop

  

Aveeno افينو لوشن ترطيب البشره

لوشن افينو aveeno 

منتج اليوم لوشن aveeno الصراحه هاللوشن مره حلو يرطب و ينعم الايدي و الارجل 
اول ما تحطينه تتشربه البشره و يعمل كطبقه ناعمه على الجلد . 
يخفف الحساسيه و عادي تستخدميه لو بشرتك حساسه . 
اي وحده جلدها جاف او بعد ما تخلص غسيل الاواني تحس بشرتها جافه و متشققه من اول استخدام بتشوف الفرق و النتيجه . 
الجلد الجاف يكون عرضه للتشققات و هذا المنتج يساعد على اعاده الرطوبه للجلد مع حمايه 24 ساعه . 
حبيت في المنتج انه خالي من العطور .
اللي عندها اكزيما خفيفه الى متوسطه سيساعد هذا اللوشن في علاجها 
المنتج رهيب الى فصل الشتاء و مع جفاف الجو . 

اكتبوا لي تجاربكم معاه 

السعر: 12دولار = 45 ريال للحجم الصغير 

الموقع للمنتج  http://www.aveeno.com 

 يباع في الموقع او السوبر ماكت او امازون و ايباي و الصيدليه